Արա Բաբլոյանի ապտակը Մոսկվային

Լրագիր / Ռուսաստան կատարած պաշտոնական այցից հետո Հայաստանի ԱԺ նախագահ Արա Բաբլոյանը Երեւանում հուլիսի 20-ին ընդունել է Հայաստանում ԱՄՆ դեսպան Ռիչարդ Միլզին, որի հետ քննարկել են երկկողմ կապերը, այդ թվում խորհրդարանական փոխայցերի, կոռուպցիայի դեմ պայքարի, արցախյան խնդիրները: Բաբլոյանը խոսել է այն մասին, որ իր համար մարդկային կյանքը բարձրագույն արժեք է, իսկ դեսպանն էլ բարձր է գնահատել այդ մոտեցումը. Հայտնելով իր աջակցությունն ԱԺ նախագահին:
Ռուսաստան կատարած այցից անմիջապես հետո ԱՄՆ դեսպանի հետ հանդիպումը բավականին բազմիմաստ քայլ է:
Բաբլոյանի առաջին ռուսաստանյան այցը ստացվեց բավական սկանդալային: Ռուսաստանի Պետդումայի խոսնակ Վոլոդինի հետ մեկնարկային հանդիպումից այցը գործնականում տապալվեց, այն բանից հետո, երբ Վոլոդինն արեց ռուսերենի մասին արդեն հայտնի հայտարարությունը: Դա ապտակ էր թե Հայաստանին, թե նաեւ բնականաբար Արա Բաբլոյանին: Առավել եւս, որ Բաբլոյանը չէր ունեցել Վոլոդինին համարժեք պատասխան տալու կամ քաղաքական համարձակությունը, կամ քաղաքական փորձառությունը:
Ի վերջո Բաբլոյանը դեռեւս ավելի շատ բժիշկ է, քան քաղաքական գործիչ: Ընդ որում, գուցե նրա մեջ հենց բժիշկն է խոսել՝ Ռուսաստան այցից անմիջապես հետո որպես վերականգնողական թերապիա ԱՄՆ դեսպանի հետ հանդիպելու համար:
Թեեւ մյուս կողմից էլ դա բավական նուրբ քաղաքական քայլ է, նույնիսկ Ռուսաստանին հասցված որոշակիորեն պատասխան ապտակ: Մոսկվայում հենց մեկնարկից տապալեցին Բաբլոյանի այցը, նա էլ չկորցրեց իրեն եւ Երեւանին վերադարձից անմիջապես հետո հանդիպեց ԱՄՆ դեսպանի հետ, նրա հետ ունենալով բավական ջերմ զրույց:
Իհարկե դեռ պարզ չէ, թե ինչպիսին կլինի շարունակությունը եւ արդյո՞ք Արա Բաբլոյանը լինելով խորհրդարանի նախագահ, աշխույժ եւ գործնական կլինի կոռուպցիայի դեմ պայքարի հարցում, որի առումով դեսպանը հայտնել է աջակցության պատրաստակամությունը:

շարունակությունը՝ կայքում