5 հնարք շրթունքներն ավելի գրավիչ դարձնելու համար
Life
Շրթունքները կնոջ գրավչության նշաններից են։ Շրթունքների դիմահարդարումը շատ կարևոր է, քանի որ դրանք միանգամից աչքի են ընկնում և ուշադրություն են գրավում։
Tochka-ն գրում է, որ, եթե բնությունը ձեզ փարթամ ու գրավիչ շուրթեր չի շնորհել, ապա դա դեռ պլաստիկ վիրաբույժների դիմելու պատճառ չէ։ Այս խորամանկությունների շնորհիվ կարելի է շուրթերը շատ ավելի գրավիչ դարձնել և կատարյալ դիմահարդարում անել։
1. Ազատվեք շուրթերի չորությունից։ Շուրթերը մշտապես խոնավացման կարիք ունեն, հատկապես, եղանակային փոփոխությունների ժամանակ։ Շուրթերին կրկին առողջ տեսք հաղորդելու համար օգտագործեք մեղրից ու շաքարավազից պատրաստված սկրաբ։ Այն ատամների խոզանակի օգնությամբ մերսող շարժումներով տարածեք շուրթերին և մի քանի րոպե անց լվացեք։
2. Տեսողական առումով մեծացրեք շուրթերը։ Շուրթերը մեծացնելու համար մինչև շրթներկ տարածելը շուրթերին տոնային քսուք տարածեք։ Վերևի շրթունքի կենտրոնական հատվածի փոսիկին սպիտակ մատիտ տարածեք և միայն հետո շրթներկ օգտագործեք։ Այսպես շուրթերն ավելի մեծ տեսք կունենան։
3. Շրթներկի ազդեցությունը երկար պահպանեք։ Որպեսզի շրթներկն ավելի երկար ժամանակ պահպանվի ձեր շուրթերին, օգտագործեք հետևյալ հնարքը՝ բարակ շերտով տարածեք շրթներկը, վրայից փարթամ վրձնի օգնությամբ դիմափոշի տարածեք և միայն հետո երկրորդ անգամ շրթներկ օգտագործեք։
4. Շուրթերը ճիշտ ընդգծեք։ Մինչև շրթներկ օգտագործելն անպայման ընդգծեք շուրթերը։ Հետևեք, որպեսզի շրջանակը դուրս չգա շուրթի սահմաններից։ Ինչպես նաև ուշադրություն դարձրեք շուրթերի կողային հատվածներին, դրանք պետք է ևս եզրագծված լինեն։
5. Փայլեր օգտագործեք։ Պրոֆեսիոնալ դիմահարդարները նշում են, որ փայլուն շրթներկը տեսողական առումով մեծացնում է շուրթերը։ Անփայլ շրթներկը համապատասխանում է այն աղջիկներին, որոնք փարթամ շուրթեր ունեն։
1
2
3
4
5
1
2
4
5
1
3
4
