ՀՀԿ-ն ավելի պահանջատեր է գլխավոր դատախազից. Գեւորգ Կոստանյան
Քաղաքականություն
Հանրապետական կուսակցությունն ավելի պահանջատեր է գլխավոր դատախազից: Այս մասին այսօր՝ հուլիսի 10-ին, խորհրդարանում դատախազության 2016թ. աշխատանքների հաշվետվության քննարկման ժամանակ ասաց ՀՀԿ-ական պատգամավոր, նախկին գլխավոր դատախազ Գեւորգ Կոստանյանը:
«Հանրապետության նախագահը հայտարարել է, որ դատախազությունը պետք է ունենա իրավապաշտպան դեր: Եթե նախկինում մենք խոսում էինք օրենքի գերակայության դիրքից, ապա հիմա մենք օրենքի գերակայությունից անցել ենք իրավունքի գերակայության, սա նշանակում է, որ եթե օրինակ, օրենքը գործում է, բայց բովանդակային առումով հակասում է մարդու իրավունքին, ապա առաջնահերթությունը պետք է տրվի իրավունքին: Դատախազությունը միշտ ունեցել է պատժիչ ընկալում հասարակության մեջ: Այո, նախագահը ճիշտ ուղղություն տվեց. ցանկացած մեղադրյալ, ամբաստանյալ պետք է այնքան վստահ լինի, որ դատախազն օրինականության երաշխավորն է, որ փաստաբանի կարիք էլ չունենա: Դատախազը պետք է ստանձնի օրինականաության երաշխավորի դերը»,- ասաց Գեւորգ Կոստանյանը:
Նախկին գլխավոր դատախազը նկատեց նաեւ, որ իրավապահ համակարգը, հատկապես դատախազությունը, պետք է փորձեն բարձրացնել հանրային վստահությունը:
1
2
3
4
5
3
4
5
1
2
3
