Ֆասթ Բանկի աջակցությամբ Մատենադարանում բացվել է նոր գրախանութ, հուշանվերների կրպակ և սրճարան
ՀասարակությունՖասթ Բանկի աջակցությամբ Մատենադարանում պաշտոնապես բացվել է նոր գրախանութ, հուշանվերների կրպակ և սրճարան՝ ամբողջացնելով այցելուների համար նախատեսված նոր ենթակառուցվածքները։ Բացման արարողությանը ներկա էին ԿԳՄՍ նախարար Ժաննա Անդրեասյանը, Ֆասթ Բանկի խորհրդի նախագահ, բարերար Վահե Բադալյանը, Մատենադարանի տնօրինությունը, գործընկերներ և հյուրեր։
Մեսրոպ Մաշտոցի անվան հին ձեռագրերի գիտահետազոտական ինստիտուտի տնօրեն Արա Խզմալյանի խոսքով` նոր միջավայրը ցուցասրահներում ստացած տպավորությունների, ներշնչումների օրգանական շարունակությունն է․ «Ինչ ոլորտ էլ լինի, ինչ անկյուն էլ լինի, Մատենադարանի գործունեության որ հարթությունն էլ լինի, դա պիտի լինի շքեղ, պիտի լինի ժամանակակից, արդիական, մեկ խոսքով՝ դա պետք է լինի համարժեք այն գանձերին, որ պահվում են այս կառույցում։ Մատենադարանի մեծ բարեկամը՝ պարոն Վահե Բադալյանը, և ուզում եմ իմ խորին երախտագիտությունը հայտնել Բադալյան ընտանիքին, Ֆասթ Բանկին՝ իրենց մշտական ներկայությամբ մեր հավակնոտ, մեր խիզախ նախաձեռնություններն աջակցելու համար: Պատահական չէ, որ Մատենադարանի պատվո կամարում առաջին անունը Բադալյան ընտանիքի անունն է, պատահական չէ, որ Բադալյան ընտանիքին շնորհվել է Մատենադարանի բարերար ոսկե մեդալը, որովհետև այս ընտանիքը մասնակցել է մեր ձեռագրական հավաքածուների համալրմանը», - ասել է նա։
Գրախանութում ներկայացված է Մատենադարանի հրատարակությունները, հայագիտությանը, պատմությանը, արվեստին և մշակույթին վերաբերող գրքեր։ Հուշանվերների կրպակում այցելուները հնարավորություն կունենան ձեռք բերել Մատենադարանի հավաքածուներից, հայկական ձեռագրերից և մանրանկարչությունից ներշնչված հատուկ արտադրանք։ Նախաձեռնության շրջանակում Մատենադարանը գործակցում է իրենց ոլորտներում առաջատար մի շարք ընկերությունների և ստեղծագործական բրենդների հետ։ Սրճարանային հատվածը կդառնա Մատենադարանի մշակութային միջավայրի շարունակությունը՝ այցելուներին առաջարկելով թանգարանային այցից հետո հանգստի և շփման հարմարավետ տարածք։
Հիշեցնենք, որ Մատենադարանի ենթակառուցվածքների արդիականացման և զբոսաշրջային այցելությունների համար նոր ծառայությունների ստեղծման ծրագրի նպատակով Ֆասթ Բանկը 50 մլն դրամ է նվիրաբերել։
Ֆասթ Բանկը շարունակաբար ընդլայնում է իր ծառայությունների շրջանակը՝ առաջարկելով 24/7 արագ, հարմարավետ և անվտանգ ֆինանսական լուծումներ Երևանում և Հայաստանի բոլոր մարզերում:
Ֆասթ Բանկը վերահսկվում է ՀՀ Կենտրոնական բանկի կողմից
1
2
3
4
5
2
3
4
5
1
3
4
5
