Չեմ բացառում նման դասավորություն։ Կարծում եմ՝ դա կլինի այն դեպքում, երբ Ռուսաստանը որոշի Սերժ Սարգսյանին հեռացնել իշխանությունից և իշխանությունը հանձնել Կարեն Կարապետյանին։ Գաղտնիք չէ, որ ընդդիմադիրներից շատերն էլ սերտ կապեր ունեն Ռուսաստանի հետ, և նրանք կարծես թե սպասում են նման հնարավորության։ Այլ տարբերակներում ես չեմ կարծում, որ Կարեն Կարապետյանն ընդդիմադիր դառնա։
Ռուսաստանի խաղաքարտերում հնարավո՞ր է ինչ-որ բան փոխվի, թե նրան ձեռնտու է վարչապետի թեկնածու Սերժ Սարգսյանը։
Սարգսյանը շատ ձեռնտու թեկնածու է, որովհետև հիմնական պրոբլեմները իր վրա կրում է. Հոկտեմբերի 27-ին եղել է բարձրաստիճան պաշտոնյա կամ մարտի մեկի շնորհիվ դարձել է նախագահ։ Այսինքն՝ չափազանց խոցելի թեկնածու է Ռուսաստանի համար։ Գուցե ինչ-որ կուլուարային հարցեր կան, որոնցից մենք տեղյակ չենք։ Մենք տեսնում ենք, որ Սերժ Սարգսյանին անընդհատ դիմում են ամերիկացիներն իրենց ութ միլիարդով, եվրոպացիներն են ասում, թե ԿԸՀ կազմը պետք է փոխել և այլն։ Եվ կարող է Ռուսաստանում Հայաստանի կուրատորը այս ամենը կապի Սերժ Սարգսյանի անձի և ոչ թե Հայաստանի քաղաքականության կամ Հայաստանի հանդեպ Արևմուտքի մոտեցումների հետ։
Իսկ հնարավո՞ր է իսկապես ընդդիմությունը միավորվի Սերժ Սարգսյանի վարչապետության դեմ, թե՞ դրա համար անհրաժեշտ պայման է Ռուսաստանի միջամտությունը։
Ես,ճիշտն ասած, բացառում եմ նման բան, որովհետև ընդդիմության համար այսօր համար մեկ Աստվածը Սերժ Սարգսյանն է, բայց կա նաև նախաստված, և դա Ռուսաստանն է։ Եթե Ռուսաստանի կողմից լինի նման հրահանգ, չեմ բացառում, որ ընդդիմությունը, ինչպես նաև ՀՀԿ-ից որոշակի ուժեր կարողանան միավորվել և Սերժ Սարգսյանին թույլ չտալ, որ նա շարունակի պաշտոնավարումը։
Տևական դադարից հետո հայտարարությամբ է հանդես եկել «Ժառանգության» առաջնորդ Րաֆֆի Հովհաննիսյանը և կոչ է անում բոլորին միավորվել թավշյա հեղափոխություն իրականացնելու հարցի շուրջ։
Ես կարծում եմ ամեն բան քիչ առաջ նկարագրածի սցենարում է տեղավորվում։ Այսինքն՝ Րաֆֆի Հովհաննիսյանը տեսել է, որ կարող է նման փոքր հնարավորություն լինի, որպեսզի Ռուսաստանը որոշի իշխանություն փոխել Հայաստանում, և դրանով փորձում է տեղավորվել այդ համատեքստում։
Կարեն Կարապետյանին, ի վերջո, հաջողվելո՞ւ է Հայաստանում ինչ-որ դրական տեղաշարժ ապահովել։ ՀՀԿ-ն ու Սերժ Սարգսյանը պարբերաբար հայտարարում են, որ անվերապահորեն վստահում են Կարեն Կարապետյանին։ Ինչո՞ւ է Սերժ Սարգսյանը անընդհատ խոսում այդ մասին։
Ոչ, Կարեն Կարապետյանին չի հաջողվի էական տեղաշարժ իրականացնել Հայաստանում, որովհետև այստեղ համակարգային փոփոխություն է անհրաժեշտ։ Նախ պետք է Ռուսաստանից պորտալարը կտրել, այնուհետև պետք է երկրի ողջ տնտեսական համակարգը փոխել, որն այսօր օլիգարխիկ-մոնոպոլիստական է։ Սրանք քայլեր են, որոնք Կարեն Կարապետյանը չի անի և չի կարող անել, այլապես նրան կհանեն պաշտոնից։ Սերժ Սարգսյանն անընդհատ խոսում է վստահությունից, որն առաջին հերթին ուղղված է իր թիմակիցներին, որոնք տեսնում են, որ իշխանությունն իր երեսը մաքրելու համար Կարեն Կարապետյանին թույլ տվեց, որ նա գա «Գազպրոմի» աշխատակիցներով լցնի կառավարությունը։ Իսկ ՀՀԿ-ականները ցանկանում էին իրենք լինել այդ պաշտոններում։ Այս առումով, դա իր թիմակիցներին ուղղված մեսիջ է։
շարունակությունը՝ կայքում
1
2
3
4
5
1
2
3
4
5
2
4
