Սերժ Սարգսյանը բաժանում է իրավապահ բլոկը

Առաջին / Դատախազության օրվա առիթով Սերժ Սարգսյանն այսօր այցելել է գլխավոր դատախազություն, պարգևներ հանձնել մի շարք դատախազների և նաև խոսել նոր Սահմանադրության պայմաններում դատախազության առանձնահատուկ, հավասարակշռող դերի մասին, վերջում խնդրելով դատախազությանը սատարել Հայաստանի կառավարությանն ու իրեն՝ Հայաստանից հոռի երևույթներն արմատախիլ անելու հարցում: Դատախազությունն իհարկե այդ հարցում տեսականում կարող է սատարել կառավարությանը, Սերժ Սարգսյանին, հանրությանն ու պետությանը ընդհանրապես: Բայց դրա համար կա երկու նախապայման․ նախ՝ եթե կառավարությունն ու Սերժ Սարգսյանը ցանկանում են այդպիսի երևույթներն արմատախիլ անել իրականում, և երկրորդ՝ եթե դատախազությունն ինքը պատրաստ է այդպիսի երևույթից վերածվել դրա դեմ պայքարի դե ֆակտո գործիքի:

Բանն այն է, որ Հայաստանում հոռի երևույթների մի ստվար հատված գտնվում է հենց դատախազության տիրույթում, կոռուպցիոն ռիսկերի, արատավոր բարքերի տեսքով, որ դրսևորվել են անցնող տարիների ընթացքում: Ի վերջո, դատախազությունը Հայաստանում համակարգի մաս է, իսկ հոռի երևույթները համակարգային երևույթներ են, ոչ թե եզակի, այլապես դրանք արմատախիլ անելու կարիք չէր էլ լինի՝ պարզապես արմատ չէին ունենա այդպիսի երևույթները: Եվ ուրեմն տվյալ պարագայում գլխավոր խնդիրն այն է, թե արդյո՞ք Հայաստանում կա իրական համակարգափոխության գործընթաց կամ ցանկություն, և գլխավորը՝ մեխանիզմ, այսպես ասած ճանապարհային քարտեզ:

շարունակությունը՝ կայքում