Ծնվել է Մառոզ Ալիկի եղբորորդին / լուսանկարներ
Ամենաընթերցված
Armtimes.com / Հունիսի 17-ին Գյումրիում ծնվել է 2016 թվականի ապրիլի 2-ին Ջեբրայիլի մարտերում հերոսի մահով ընկած փոխգնդապետ Ալեքսան Առաքելյանի`Մառոզ Ալիկի եղբորորդին`Ալեքսան Առաքելյանը: Ծնողների ցանկությամբ իրենց առաջնեկը կրելու է հերոս հորեղբոր անունը:
«Մենք իրավունք չունեինք ուրիշ անուն դնելու այս փոքրիկին: Ծնվեց փոքրիկ Ալիկը: Անվան ընտրությունը մեր ընտանիքի անդամների ցանկությունն էր: Այս անունը շատ թանկ անուն է բոլորիս համար: Քառօրյա պատերազմում ունենալով նահատակված հերոս Ալիկ, իրավունք չունեինք այդ անունը չպահպանել: Հիմա ցանկություններս այն է, որ այս պուճուրիկը մեծանա, եւ իր անունին արժանի մարդ դառնա, ինչպես եղել է հերոս Ալիկ Առաքելյանը»,- Armtimes-ի հետ զրույցում ասաց փոխգնդապետի հայրը`Գեւորգ Առաքելյանը:
Հարազատներն ասում են, որ փոքրիկ Ալիկը դիմագծերն ինչ-որ չափով հիշեցնում են հերոս Ալիկին: Փոքրիկը ծնվել է Գյումրիում՝ 3 կգ քաշով եւ 50 սմ հասակով: Ալիկ Առաքելյանն առողջ բալիկ է:
Նշենք, որ փոխգնդապետ Առաքելյանն ապրում էր Ջեբրայիլում: Արցախը համարում էր իր տունը, նույնիսկ ընտանիքն էր տեղափոխվել այնտեղ բնակության մինչեւ ապրիլյան պատերազմը: Հայրենիքին մատուցած ծառայության համար փոխգնդապետ Առաքելյանն արժանացել է մի շարք շքանշաների, այդ թվում՝ «Մարտական խաչ» հուշամեդալի:
1
2
3
4
5
1
2
3
4
5
1
3
4
5
