Աղմկոտ ցուցակ. ում խաղաքարտերն են խառնվելու

Առաջին լրատվական / Հանրությունն աշխուժորեն քննարկում է այն պաշտոնյաների ցանկը, որոնց որդիները այս կամ այն պատճառով չեն ծառայել բանակում: Ցանկը, որ ՊՆ տրամադրած տեղեկությամբ հրապարակել է factor.am կայքը, բավական պատկառելի է թե՛ երկարության, թե՛ անունների իմաստով: Դրանք կրկնել թերևս չարժե, քանի որ հանրությունը անկասկած հասցրել է ծանոթանալ ցանկին: Այնտեղ են նախարարներ, պատգամավորներ՝ ընդհուպ մինչև ներկայիս վարչապետ Կարեն Կարապետյանը:

Խնդիրը Հայաստանի համար նոր չէ, և հանրությունը պարբերաբար, իսկ ապրիլի պատերազմից հետո բավական հաճախ է իշխանությանը տալիս հարցը՝ ինչպե՞ս է ստացվել, որ առաջնագծում ծառայում են գերազանցապես սոցիալապես անապահով խավի ներկայացուցիչները, ինչպե՞ս է պատահում, որ Հայաստանի պաշտոնյաների մի զգալի մասի որդիները չեն ծառայում ընդհանրապես, ծառայում են ձևական: Իշխանությունն այդ հարցերին չունի համոզիչ պատասխան: Ի պատասխան հարցադրումների՝ հնչում են բացատրություններ, որոնք էլ ավելի են ընդգծում իրավիճակի աղաղակող անհարմարությունը:

Ներկայիս տեղեկատվական բռնկումը հնչում է ուշագրավ համատեքստում: Պաշտպանության նախարար Վիգեն Սարգսյանն առաջ է քաշել «Ազգ-բանակ» հայեցակարգը և այդ հայեցակարգի շրջանակում էլ հանրությանն է ներկայացրել ծառայության մի քանի մոդել, որոնց նպատակը զինվորական ծառայությունը գրավիչ դարձնելն է, ծառայողի համար հեռանկարի առումով, այդ թվում՝ քաղաքացիական կյանքի հեռանկարի, շահեկան դարձնելը:

շարունակությունը՝ կայքում