Հայաստանի իշխանություններից որևէ մեկը քաջություն կունենա՞ ու Ալիևին կհարցնի․ ինչպե՞ս է նա պատկերացնում մեր ժողովուրդը պետք է հարգի իրեն. Մարուքյան
Blog
Էդմոն Մարուքյանը տելեգրամյան իր ալիքում գրում է.
Ադրբեջանի նախագահ Իլհամ Ալիևը հայտարարել է, թե Հայաստանում որոշ քաղաքական ուժեր և քաղաքական գործիչներ շարունակում են ապրել Ադրբեջանի նկատմամբ ատելությամբ։
Ես ուղղակի ապշած եմ այս հայտարարությունից, որովհետև մի մարդ, որի հրամանով Արցախում հողին են հավասարեցվում հայ ժողովրդի սրբությունները՝ առաջին քրիստոնյա ժողովրդի եկեղեցիները, խաչքարերը, գերեզմանոցներն ու հուշահամալիրները, ուզում է, որ այդ ժողովուրդը իրեն սիրի, հարգի և իր նկատմամբ ակնածանքով լցված լինի։ Ինչպես, օրինակ, Նիկոլ Փաշինյանն է տրամադրված իր հանդեպ։
Ես նաև ապշած եմ, որ այս մարդը, իր երկրում հայ ժողովրդի նկատմամբ այդքան ատելություն քարոզելով, իր ժողովրդին մոտիվացնելով հայ ժողովրդի դեմ և ապագա ագրեսիաներով սպառնալով մեզ, կրկին փորձում է խառնվել Հայաստանի ներքին կյանքին՝ որոշել, թե որ քաղաքական գործիչը կամ քաղաքական ուժը ինչ պիտի մտածի, ինչ պիտի խոսի և այս կամ այն հարցի վերաբերյալ ինչ կարծիք պետք է ունենա։
Վերջապես Հայաստանի իշխանություններից որևէ մեկը քաջություն կունենա՞ ու Ալիևին կհարցնի․ ինչպե՞ս է նա պատկերացնում, որ 2020 թվականի իր սանձազերծած պատերազմից, Արցախի էթնիկ զտումից, հայ ազգի սրբությունները հողին հավասարեցնելուց և Արցախի ռազմաքաղաքական ղեկավարությանը գերության մեջ պահելուց հետո մեր ժողովուրդը պետք է հարգի իրեն։
Սա պարզապես աբսուրդ է…
1
2
3
4
5
1
2
3
4
5
1
3
4
5
