Հայաստանի իշխանությունը՝ փաստի առաջ

Առաջին / Հայաստանում ԱՄՆ դեսպան Ռիչարդ Միլսը նախօրեին կրկին անդրադարձել է Հայաստանի էներգետիկայի ոլորտում 8 միլիարդ դոլարի ներդրումային ներուժի մասին իր հայտարարությանը՝ որոշակիորեն ավելի բացելով այն և հայտարարելով, որ այդ ներուժը իրացվելի է, եթե շուկան ազատականացվի և Հայաստանն էլեկտրաէներգիա արտահանի Իրան, Վրաստան, Թուրքիա:

ԱՄՆ դեսպան Միլսը անկասկած շատ լավ գիտի, թե ներկայումս ինչ իրավիճակ է Հայաստանի էներգետիկայում: Կա երկու խոշոր արտադրող՝ ատոմակայան և Հրազդան ՊՇԷԿ: Երկու խոշոր արտադրողներից մեկի շահագործման ժամկետը երկարաձգելու համար Ռուսաստանը տվել է 300 միլիոն դոլար՝ 270 վարկ և 30 միլիոն դրամաշնորհ, իսկ Հրազդան ՊՇԷԿ-ն ընդհանրապես պատկանում է Ռուսաստանին. ՊՇԷԿ 5-րդ բլոկը «Գազպրոմ»-ինն է: Այդպիսով, Հայաստանի արտադրող հզորությունների գերակշռող մասը այսպես թե այնպես գտնվում է ՌԴ ենթակայության տակ:

Ռուսաստանը հենց այնպես չէր վարկավորելու հայկական ատոմակայանի շահագործման ժամկետի երկարաձգումը: Այդպիսով՝ ստացվում է, որ դեսպան Միլսը բարձրացնում է էներգետիկ համակարգում սեփականության վերաբաշխման հարց: Հակառակ դեպքում ազատականություն չի ստացվի, մրցակցություն չի առաջանա: Ռուսական վերահսկողությունը կթելադրի խաղի իր կանոնները, և ստացվում է, որ կա՛մ պետք է պայմանավորվել ռուսների հետ՝ ներդրումների համար, կա՛մ պետք է սպասել ոչ թե ազատականացման, այլ գնալ ազատականացման:

շարունակությունը՝ կայքում