ՀՊՏՀ Գյումրու մասնաճյուղում տեղի ունեցավ հանդիպում «Զանգեզուրի պղնձամոլիբդենային կոմբինատի» (ԶՊՄԿ) ներկայացուցիչների հետ
Հասարակություն
Մարտի 27-ին ՀՊՏՀ Գյումրու մասնաճյուղում տեղի ունեցավ սպասված և արդյունավետ հանդիպում Հայաստանի խոշորագույն հարկատուներից մեկի՝ «Զանգեզուրի պղնձամոլիբդենային կոմբինատի» (ԶՊՄԿ) ներկայացուցիչների հետ։ Հանդիպման ընթացքում ոլորտի առաջատար մասնագետները ուսանողներին ներկայացրեցին ընկերության լայնամասշտաբ գործունեությունը, աշխատանքի առանձնահատկությունները և կարևորագույն ցուցանիշները։
ԶՊՄԿ գլխավոր տնօրենի առաջին տեղակալ Վ. Ջհանյանը հանգամանալից անդրադարձավ հանքարդյունաբերության ոլորտի վճռորոշ դերին և կարևորությանը ՀՀ տնտեսության զարգացման գործում, ինչպես նաև խոսեց մեր երկրի առջև բացվող նոր հնարավորությունների մասին։
ԶՊՄԿ գլխավոր տնօրենի տեղակալ, կայուն զարգացման գծով տնօրեն Ա․Ստեփանյանը ուսանողներին ներկայացրեց ոլորտում կայուն զարգացմանն ուղղված գործունեությունը՝ շեշտելով ժամանակակից ստանդարտների և պատասխանատու մոտեցումների կիրառումը։
Հանդիպումը անցավ ակտիվ հարց ու պատասխանի մթնոլորտում, որին հաջորդեց ինտերակտիվ վիկտորինա, որի արդյունքում բարձր ակտիվություն ցուցաբերած 30 մասնակիցներ ստացան խոստացված անակնկալը՝ երկօրյա գործնական այց ԶՊՄԿ։
Հատուկ շնորհակալություն ենք հայտնում «Ժողի դեսպան» պարոն Parsyan Surenին՝ այս կարևոր այցի կազմակերպմանն անմիջականորեն աջակցելու համար։
1
2
3
4
5
2
3
4
5
5
