Լուիզիանայում տոնական շքերթի ժամանակ հրաձգությունից վիրավորվել է 5 մարդ, այդ թվում՝ վեց տարեկան երեխա
Աշխարհ
Վեց տարեկան երեխա և ևս չորս մարդ են վիրավորվել հրաձգության հետևանքով, որը տեղի է ունեցել շաբաթ օրը Լուիզիանայի փոքր քաղաքում անցկացվող շքերթի ժամանակ, հայտնում է Associated Press-ը։
Հրաձգությունից հետո մարդիկ սկսել են խուճապահար փախչել՝ ապաստարան որոնելով, հայտնել են իշխանությունները։
Իստ-Ֆելիսիանա շրջանի շերիֆ Ջեֆ Թրեվիսը լրագրողներին ասել է, որ հրաձգությունը տեղի է ունեցել Քլինթոն քաղաքի արվարձանում Մարդի Գրայի շքերթի մեկնարկից քիչ անց։
Ըստ նրա, քննիչները փորձում են տեղեկություններ հավաքել՝ հասկանալու, թե ինչ է տեղի ունեցել, ինչու և ով է պատասխանատու, սակայն այդ հարցերի պատասխանները դեռևս չեն ստացվել, չնայած որ շքերթին ներգրավված էին լրացուցիչ իրավապահ ուժեր։
Թրեվիսը նշել է, որ այդ տարածքի երեք մարդ, որոնց մոտ եղել է հրազեն, ձերբակալվել են, սակայն առայժմ պարզ չէ՝ արդյո՞ք, նրանք առնչություն ունեն կրակոցներին։
Նահանգապետ Ջեֆ Լենդրին արձագանքել է հրաձգությանը՝ դրանք անվանելով «սարսափելի և անընդունելի»։
Վիրավորների վիճակի մասին տեղեկություններ առայժմ չկան։
1
2
3
4
5
2
3
4
5
1
3
4
5
