Թեհրանի իշխանությունները ապաստարաններ են կազմակերպում
Աշխարհ
Թեհրանի իշխանությունները ապաստարաններ են կազմակերպում քաղաքի 2,5 միլիոն բնակիչների համար։
Նախապատրաստական աշխատանքներ են ընթանում ավելի քան 300 ստորգետնյա կառույցներում, ինչպիսիք են կայանատեղիները, և մետրոյի 82 կայարաններում, ասել է Իրանի մայրաքաղաքի ճգնաժամային կառավարման կազմակերպության ղեկավար Ալի Նասիրին։
Ավելի վաղ հայտնել էինք, որ Իրանի զինված ուժերը հետևում են Մերձավոր Արևելքում տեղի ունեցող տեղաշարժերին և «մատը պահում են ձգանի վրա», ասել է Իսլամական Հանրապետության բանակի հրամանատար Ամիր Խաթամին՝ Իրանի շուրջ ԱՄՆ ուժերի կուտակման ֆոնին։
«Այսօր Իրանի Իսլամական Հանրապետության զինված ուժերը գտնվում են լիակատար պաշտպանական և ռազմական պատրաստության մեջ։ Տարածաշրջանում թշնամու տեղաշարժերին ուշադիր հետևում են, և մատը ձգանի վրա ենք պահում»,- «Թասնիմ»-ի փոխանցմամբ, ասել է հրամանատարը։
Ավելի վաղ ԱՄՆ նախագահ Դոնալդ Թրամփը հայտարարել էր, որ «հսկայական նավատորմ» է շարժվում դեպի Իրան՝ հույս հայտնելով, որ Թեհրանը կհամաձայնի նստել բանակցությունների սեղանի շուրջ և հասնել «արդար և իրավահավասար» համաձայնագրի։
1
2
3
4
5
2
3
4
5
1
3
4
5
