Երբ ստվերը հանդիպում է ուժին. «Ազիզյաններից» Մարի Պետրոսյանը՝ նոր ֆոտոշարքում
Life
«Ազիզյանները» սիթքոմից հայտնի դերասանուհի Մարի Պետրոսյանը նոր ֆոտոշարք է ներկայացրել լուսանկարիչ Լևոն Ալեքսանյանի հետ համագործակցությամբ: Instagram-ում հրապարակված կադրերում դերասանուհին իր ուժը ցուցադրում է՝ ստվերների հետ «խաղում»: «Այնտեղ, որտեղ ստվերը հանդիպում է ուժին»,-վերնագրված է շարքը:
Կադրերում Մարին կիպ սպիտակ զգեստով է՝ դասական դիմահարդարմամբ:
Դերասանուհին վերջերս պատմել էր, որ նախկին ամուսնու կողմից ենթարկվել էր բռնության, և այժմ վերադառնում է ավելի ուժեղ և կոփված:
Օրերս Մարին Instagram-ում նոր տեսանյութ էր տեղադրել, որում ցուցադրել էր մարմնի վրա բռնության հետքերը ու խոսել վերջին շրջանում իր կերպարանափոխությանն ու ակտիվությանն ուղղված մարդկանց արձագանքից:
«Ինձ համար շատ դժվար է կիսվել այս նկարներով։ Բայց նրանք, ովքեր անցել են բռնության միջով ու դեռ փորձում են ապրել, երբեք առիթ չեն տալիս որևէ մեկին՝ դատելու իմ հագուկապը կամ իմ կյանքը։
«Երեկ ծեծված էր, այսօր արդեն պարում է». բռնությունն ունի այս տեսքը, ապրելու ցանկությունն ունի այս տեսքը, և Աստծուն հավատալը՝ նույնպես։ Հավատացեք։ Մի՛ կոտրվեք։ Եվ երբեք մի դատեք այն մարդուն, որի ճանապարհը դուք չգիտեք»,-հոլովակին կից գրել էր Մարին:
1
2
3
4
5
1
5
1
3
4
