Ռուսաստանի Սամարայի մարզում չորս անչափահաս է անհետացել
Աշխարհ
Ոստիկանները փնտրում են Սամարայի մարզի Բեզենչուկ ավանից չորս երեխայի, որոնք զբոսանքից չեն վերադարձել։ Այս մասին հայտնում է «Коммерсантъ»-ը՝ հղում անելով Ռուսաստանի ՆԳՆ տարածաշրջանային գլխավոր վարչության մամուլի ծառայությանը։
Անհետացածները 2014, 2015 և 2020 թվականներին ծնված երեք աղջիկ են և 2015 թվականին ծնված մեկ տղա։ Դեկտեմբերի 20-ի երեկոյան նրանք զբոսանքից չեն վերադարձել։ Որոնումները սկսվել են գիշերվա ժամը մեկին՝ ծնողների դիմումից հետո։
«Ոստիկանները կազմել և ոստիկանության անձնակազմի, Ռոսգվարդիայի, իրավապահ ուղղվածության կազմակերպությունների և կամավորների շրջանում տարածել են անչափահասների արտաքին նկարագրությամբ հայտարարություններ։ Քրեական հետախուզության աշխատակիցները պարզում և հարցում են անցկացնում դեպքի ականատեսների հետ, ինչպես նաև ճշտում երեխաների շփման շրջանակը»,- հայտնել է գերատեսչությունը։
Երեխաներին փնտրում են ոստիկանության պարեկային ջոկատները, տեղամասային լիազորներն ու անչափահասների գործերով տեսուչները, ինչպես նաև «Լիզա Ալերտ»-ի կամավորները։ Նրանք շրջում են մերձակա գյուղերի բակերում ու փողոցներում, զննում նկուղները, ձեղնահարկերը, լքված շինհրապարակները և այն վայրերը, որտեղ սովորաբար հավաքվում են անչափահասները։
1
2
3
4
5
2
3
4
5
1
3
4
5
