Եվրամիության կոշտ նախապայմանը․ «Ներդրումներ չսպասեք, մինչև․․․»
Աշխարհ
Եթե Հայաստանում կոռուպցիայի դեմ արդյունավետ պայքար չծավալվի, ու այդ սոցիալական չաիրքը չստանա արժանի պատասխան, ապա դժվար, թե Եվրամիությունից հնարավոր լինի սպասել էական ներդրումներ ՀՀ տնտեսությունում:
Այս մասին Երևանում մայիսի 31-ին կայացած «ԵՄ-Հայաստան հարաբերությունները և հեռանկարները» թեմայով համաժողովին հայտարարեց Հայաստանում Եվրամիության պատվիրակույթան ղեկավար, դեսպան Պյոտր Սվիտալսկին:
Ինչպես նշեց Ստվիտալսկին, թե՛ ՀՀ-ԵՄ հարաբերություններում, և թե՛ Եվրամիության Արեւելյան գործընկերության ծրագրի շրջանակներում կարեւոր է անդամ պետությունների, ու մասնավորապես Հայաստանի ակտիվությունը: Նա հավելեց, որ Եվրամիության մոտեցումը նույնն է մնացել: «Մենք սպասում ենք, այժմ Հայաստանի կառավարության վերջնական ձեւավորմանը և վերջինիս կողմից առաջնահերթությունների հստակ սահմանմանը: Այնուհետեւ մենք կքնարկենք, թե որ ոլորտներում և ինչ աջակցություն տրամադրենք Հայաստանին», - ասաց դեսպանը:
Սվիտալսկին խոսեց նաեւ տարածաշարջանային աշխարհաքաղաքականության մասին՝ կարեւորելով Հարավային Կովակասում պետությունների արտաքին քաղաքական առաջնահերթություններն ու շահերն այս հարցում: «Տարածաշրջանը պետք չէ դիտարակել, որպես սոսկ աշխարհաքաղաքական շահերի բախման հարթակ: Կարեւոր է, թե ինչ են ցանկանում հենց տարաշրջանի պետությունները, ինչ շահեր ու առաջնահեթություններ ունեն և ում են համարում իրենց դաշնակից ու գործընկեր», - ասաց դեսպանը:
ԵՄ դեսպանը նաեւ նշեց, որ դատելով Արեւելյան գործընեկրության Ռիգայի գագաթնաժողովում ընդունված փաստաթղթի պատշաճ կառավարման մասին դրույթից, որին միացել է նաեւ Հայաստանը, անհրաժեշտ է ակտիվ պայքար մղել կոռուպցիայի դեմ, բարձրացնել կառավարման արդյունավետությունը և պայքարել խտրականության դեմ:
«Օրինակ, եթե Հայաստանում կոռուպցիան չստանա արժանի պատասխան, ապա դժվար թե Եվրամիությունից հնարավոր լինի սպասել էական ներդրումներ ՀՀ տնտեսությունում», - ասաց նա՝ հավելելով, որ անցյալ տարի ԵՄ-ը Հայաստանի կառավարությունից ստացել է երաշխիքներ այլ որորտներում եւս երկկողմ համագործակցության խորացման պատրասկակամության մասն:
Վերջում նա նաեւ հույս հայտնեց, որ Հայաստան-Եվրամիություն նախաստորագրված նոր համապարփակ շրջանակային համաձայնագիրն այս տարվա նոյեմբերին կայանալիք Արեւելյան գործընկերության Բրյուսելի գագաթնաժողովին պատրաստ կլիկնի ստորագրման: «Այժմ մնացել են տեխնիկական հարցեր, որոնք լուծվում են», - ասաց նա:
Համաժողովին համասնակից ՀՀ տնտեսական զարգացման և ներդրումների նախարարի առաջին տեղակալ Գարեգին Մելքոնյանը եւս հույս հայտնեց, որ մինչեւ տարեվերջ ՀՀ-ը եւ ԵՄ-ը նոր համաձայնագիր կստորագերն: «Այժմ ընթանում Եվրամիության ներսում իրավական հղկման գործընթաց: Այնուհետեւ պայամանագիրը կթարգմանվի հայերեն ու ԵՄ անդամ պետությունների լեզուներով, որից հետո կներկայացվի ստորագրման», - եզրափակեց նա:
1
2
3
4
5
1
4
5
1
3
4
