«Ինտեր Մայամին» դուրս է եկել MLS-ի եզրափակիչ. Մեսսին գերազանցել է Պուշկաշի ռեկորդը
Սպորտ
«Ինտեր Մայամին» MLS-ի փլեյ-օֆֆի կիսաեզրափակչում 5:1 հաշվով վստահ հաղթանակ տարավ «Նյու Յորք Սիթիի» նկատմամբ: Ֆորտ Լոդերդեյլում կայացած հանդիպումն աչքի ընկավ գոլերի առատությամբ և պատմական ռեկորդով, հաղորդում է armsport.am-ը:
«Ինտերի» կազմում հեթ-թրիքի հեղինակ դարձավ Տադեո Ալյենդեն: Մեկական գնդակ հեղինակեցին Տելասկո Սեգովիան և Մատեո Սիլվետին: «Սիթիի» կազմում միակ գոլը խփել է Ջասթին Հակը:
Արգենտինացի հարձակվող Լիոնել Մեսսին այս խաղում աչքի է ընկել գոլային փոխանցմամբ՝ ընթացիկ փլեյ-օֆֆում իր արդյունավետ շարքը հասցնելով 8 հանդիպման:
Այս ասիստը Մեսսիի կարիերայում 405-րդն էր: Այդ ցուցանիշով նա գերազանցել է լեգենդար հունգարացի հարձակվող Ֆերենց Պուշկաշի ռեկորդը՝ դառնալով ֆուտբոլի պատմության լավագույն ասիստենտը:
Ընթացիկ մրցաշրջանում Մեսսին բոլոր մրցաշարերում մասնակցել է 40 հանդիպման՝ դառնալով 38 գոլի և 22 գոլային փոխանցման հեղինակ:
Եզրափակչում «Ինտեր Մայամին» կմրցի կիսաեզրափակիչ մյուս զույգի՝ «Սան Դիեգո» — «Վանկուվեր Ուայթքեփս» դիմակայության հաղթողի հետ:
1
2
3
4
5
1
2
3
4
1
2
3
4
5
