Բացառիկ կադրեր․ թռիչքից առաջ պայթում է ամերիկյան հիթիռակիրը
ԱշխարհԱմերիկյան SpaceX ընկերության արտադրության Falcon 9 հրթիռակրի փորձարկումը շաբաթ օրը կայանալիք թռիչքից առաջ ձախողվել է. SpaceX-ը կորցրել է ոչ միայն հրթիռն, այլև՝ 200 մլն դոլար արժողությամբ բեռը:
Հրթիռակիրը պայթել է նախքան մեկնարկը՝ Կանավերալ հրվանդանում գտնվող արձակման կայանում, հաղորդում է РИА Новости-ն:
Ընկերության սեփականատեր Իլոն Մասկը, անդրադառնալով միջադեպին, մանրամասնել է, որ պայթյունը տեղի է ունեցել հրթիռի արագացուցչի թթվածնային բաքում՝ վառելիքի լիցքավորման ժամանակ: Մասկը նաև հավելել է, որ կատարվածի հետևանքով ոչնչացվել է տեղափոխման համար նախատեսված բեռը՝ Amos 6 արբանյակը:
Հայտնի է, որ թռիչքի պատվիրատուն իսրայելական Spacecom ընկերությունն է, որին էլ պատկանում էր հեռահաղորդակցային ազդակների փոխանցման համար նախատեսված և 200 մլն դոլար արժողությամբ արբանյակ:
Աղբյուրը մանրամասնում է, որ Falcon 9 հրթիռակրի հաջորդ բեռնափոխադրման թռիչքը դեպի Միջազգային տիեզերակայան պետք է կայանա նոյեմբերի 11-ին, սակայն պայթյունն այս թռիչքի հավանականությունը դրել է կասկածի տակ:
1
2
3
4
5
1
2
4
5
1
3
4
