Մոսկվան Հայաստանը դարձնում է իսլամիստների թիրախը

Jamestown Foundation ամերիկյան ոչ կառավարական հետազոտական կազմակերպությունը հոդված է հրապարակել Հայաստանում ռուսական 102-րդ ռազմական բազայի շուրջ վերջին զարգացումների վերաբերյալ: Հոդվածագիրը քաղաքագետ Արմեն Գրիգորյանն է:
Հոդվածում, մասնավորապես, հիշատակվում է Գյումրիում ռուս զինծառայողի
կողմից ամբողջ ընտանիքի սպանությունը: Հոդվածագիրն ուշադրություն է
հրավիրում այն հանգամանքի վրա, որ ԶԼՄ-ներում տեղեկություններն այն մասին,
որ յոթ մարդու սպանած անձը՝ Վալերի Պերմյակովը, ով ցմահ ազատազրկման է
դատապարտվել Հայաստանում, պատիժը կկրի Ռուսաստանում, անտարբերությամբ են
ընդունվել, այն դեպքում, երբ երկու տարի առաջ այս գործի պատճառով
Հայաստանում զանգվածային բողոքի ակցիաներ էին:
Jamestown Foundation-ն անդրադառնում է նաև ռուսական ռազմաբազայի
աշխատակիցների չվճարված աշխատավարձերին, երբ շուրջ 200 մարդ բողոքի դուրս
եկան՝ պահանջելով վճարել երեք ամսվա աշխատավարձը:
Հոդվածագիրն առանձնակի ուշադրություն է դարձնում ՌԴ ԱԳ նախարար Սերգեյ
Լավրովի հարցազրույցի վրա, որը նա տվել էր «Միր» հեռուստաընկերությանը:
Լավրովը հայտարարել էր, որ Հայաստանում տեղակայված 102-րդ ռազմաբազան կարող
է կիրառվել ԴԱԻՇ ահաբեկչական խմբավորման դեմ պայքարելու համար՝ այնպես,
ինչպես  Ղրղըզստանում և Տաջիկստանում տեղակայված ռուսական ռազմաբազաները: 
Հոդվածում ասվում է, որ ի տարբերություն Միջին Ասիայի երկրների՝ Հայաստանն
իսլամիստական ահաբեկչության հետ խնդիրներ չունի, իսկ Ռուսաստանն այդպիսի
սադրիչ գործողություններով Հայաստանը դարձնում է իսլամիստների թիրախը:
Քանի դեռ տեսականորեն հնարավոր է Գյումրիի ռազմաբաազան օգտագործել
ԴԱԻՇ-ի դեմ, նման հավանականությունը չի կարելի բացառել՝ կարծում է
հոդվածագիրը:
ՌԴ նախագահ Վլադիմիր Պուտինը Ռուսաստանում հերթական ընտրություններից
առաջ բախվել է տնտեսության վատ վիճակի հետ, այլևս չի հաջողվում
հայրենասիրություն արթնացնել  Ուկրաինայում և Սիրիայում պատերազմների
միջոցով: Որպես հետևանք՝ Պուտինը կարող է ռազմական նոր գործողություն
սկսել, իսկ հայկական քաղաքական էլիտան թույլ կամք ունի, որպեսզի դիմադրի
Մոսկվայի ծրագրերին: Ապրիլին Հայաստանի խորհրդարանական ընտրությունների
ժամանակ քաղաքական ուժերի զգալի մասը փորձում էր ստանալ Ռուսաստանի
աջակցությունը, և այժմ նորընտիր Ազգային ժողովը պակաս լոյալ չէ Կրեմլին,
քան նախորդը՝ ասվում է հոդվածում:

Рус

LIVE NOW


Միացնել ուղիղ հեռարձակումը

ԲԱՑ ՄԻ ԹՈՂԵՔ

Սերժ Սարգսյանի ստվերը. ի՞նչ չեն հուշում նրա անունները

Ապաքաղաքական հեղաշրջում

Սերժ Սարգսյանը նախագահ նշանակեց ինքն իրեն

Ի՞նչ տվեց Վիեննայի հանդիպումը ԼՂ կարգավորմանը, և ի՞նչ ունենք մեկ տարի անց

Այս դատավարությունը լինելու է վարչախմբի քաղաքական դատավարությունը




ԱՄԵՆԱԸՆԹԵՐՑՎԱԾՆԵՐԸ




ՀՀԿ-ն որոշել է, թե ովքեր են նշանակվելու Ազգային ժողովի ղեկավար պաշտոններում





Պատճառներ, որից Հայաստանը պետք է «զրկի» Ադրբեջանին





Ադրբեջանի ՊՆ-ն՝ արցախա-ադրբեջանկան շփման գծում տիրող իրավիճակի մասին





Ոչ ինձ, ոչ քեզ. ինչու ՀՀԿ-ն կանգ առավ Արա Բաբլոյանի վրա





Ծառուկյանը «խաղից դուրս» թողեց խնամի Հովիկին և Իշխան Զաքարյանին





Սերժ Սարգսյանը նախագահ նշանակեց ինքն իրեն





Վարչապետի ինքնախոստովանությունը