Ինչպես մաքրել օրգանիզմը

Մարդկային օրգանիզմն իր կենսագործունեության ընթացքում վերամշակում է ավելի քան 100 տոննա ուտելիք և 40 հազար լիտր հեղուկ: Վիճակագրությունը փաստում է, որ այդ ընթացքում աղիներում կուտակվում են միջինում 15 կգ վնասակար նյութեր ու թույներ, ինչը մեծապես վնասում է մեր օրգանիզմը:
Եթե դուք ունեք վատ մարսողություն, հաճախակի փորկապություններ, երիկամային խնդիրներ, ավելորդ քաշ, վատ մաշկ, կասկած, որ արթրիթ ու դիաբետ ունեք, նշանակում է, որ ձեր մարսողական համակարգը սխալ ռեժիմով է աշխատում:
Նման պարագայում կարելի է փորձել հետևյալ ժողովրդական մեթոդը՝ հիմնված կտավատի փոշու վրա: Օրական օգտագործելով մինչև 3 ճաշի գդալ կտավատի փոշի՝ դուք կազատեք աղեստամոքսային համակարգը մակաբույծներից, թույներից, կղանքի չհեռացվող մնացորդներից: Այս փոշին կարգավորում է անգամ նյութափոխանակությունն ու խոլեստերինի քանակը՝ նպաստելով նիհարեցմանը:
Հայտնի է, որ կտավատի փոշին օգնում է նաև այնպիսի հիվանդությունների պարագայում, ինչպիսիք են գաստրիտը, կոլիտը, ստամոքսի և 12-մատնյա աղիքի խոցը, բուժում է աղիները:
Մասնագետները մշակել են կտավատի փոշով բուժման 21-օրյա կուրս, որն էլ ներկայացնում ենք ստորև: Անհրաժեշտ է միայն կեֆիր և կտավատի փոշի:
1-ին շաբաթ - խառնեք 1 թեյի գդալ կտավատի փոշին 100 մլ կեֆիրի հետ և խմեք:
2-րդ շաբաթ - խառնեք 2 ճաշի գդալ կտավատի փոշին 100 մլ կեֆիրի հետ և խմեք:
3-րդ շաբաթ - խառնեք 3 ճաշի գդալ կտավատի փոշին 150 մլ կեֆիրի հետ և խմեք:
Պետք է ընդունել առավոտյան, անոթի վիճակում: Կուրսն ընդունելու ընթացքում պետք է խմել նաև օրական 2 լիտրից ոչ պակաս ջուր: Օրգանիզմի մաքրման այս պրոցեսը խորհուրդ է տրվում կիրառել տարվա մեջ մեկ անգամ: