Ֆասթ Բանկի աջակցությամբ կայացել է «Հուսո առագաստ» փառատոնի եզրափակիչ փուլը
ՀասարակությունՖասթ Բանկի աջակցությամբ օրերս Սևանի ափին կայացել է «Հուսո առագաստ» հեղինակային երգի 11-րդ միջազգային փառատոնի եզրափակիչ փուլը։ Եռօրյա փառատոնը հյուրընկալել է հեղինակային երգի սիրահարների աշխարհի տարբեր ծայրերից։
Երգահան Ռուբեն Հախվերդյանի խոսքով երաժշտությունը միասնականության և խաղաղության ներուժ ունի․ «Սա շատ կարևոր արվեստի ճյուղ է՝ հեղինակային երգը: Եվ ամենահետաքրքիրն այն է, որ գալիս են տարբեր երկրներից մարդիկ, և երգը բոլորին միացնում է: Մոռանում ենք մի պահ և պատերազմներ և այլն, և այլն: Իմ շնորհակալությունն եմ ուզում հայտնել իմաստուն Ֆասթ Բանկին, որ գիտի թե ում է հովանավորում և ում չպետք է հովանավորի: Մենք շոյված ենք դրանից: Ֆասթ Բանկը միշտ մեր մեջքին կանգնած է այս առումով»:
Հիշեցնենք, որ «Հուսո առագաստ» փառատոնն իրականացվում է մի քանի փուլով՝ ընդգրկելով և՛ հայաստանյան, և՛ միջազգային հեղինակ-կատարողների։ Ֆասթ Բանկն արդեն երրորդ տարին է աջակցում փառատոնի իրականացմանը։
«Բարդերի» ակումբի հիմնադիր, երգահան Վախթանգ Հարությունյանն ասել է․ «Ամեն տարի աշխատանքներն են շատանում, և իհարկե, այցելուներն այս փառատոնի կրկին և նորից պիտի ասեմ, որ տարեցտարի ոչ միայն տասնյակներով, այլև հարյուրներով ավելանում են»:
Հավելենք նաև, որ եզրափակիչ փուլ անցած 13 սկսնակ հեղինակ-կատարողներ հնարավորություն են ունեցել ելույթ ունենալ բեմահարթակում և ներկայացնել իրենց ստեղծագործությունները։ Երեք օրերի ընթացքում իրականացվել են նաև վոկալի և կիթառի վարպետաց դասեր։
Ֆասթ Բանկի հովանավորությունը նպատակ ունի նպաստել մշակութային կյանքը Հայաստանում և հնարավորություն ընձեռել երիտասարդներին կայանալ մասնագիտական հարթակում:
Ֆասթ Բանկը թվային բանկ դառնալուն միտված ընկերություն է, որը 24/7 աշխատանքային գրաֆիկով ներկայացված է Երևանում և Հայաստանի բոլոր մարզերում։
Ֆասթ Բանկը վերահսկվում է ՀՀ Կենտրոնական բանկի կողմից։
1
2
3
4
5
1
2
3
4
5
1
3
4
5
