«Այդ մարդիկ պետք է փախչեն ու թաքնվեն, որ հասարակությունը չիմանա, որ իրենք եղել են»․ Վ․ Բոստանջյան

«ԼՐԱԳՐԻ» զրուցակիցն է «Ծառուկյան» դաշինքից պատգամավոր ընտրված Վարդան Բոստանջյանը․

«Ծառուկյան» դաշինքում վերջին շրջանում հետաքրքիր դեպքեր են տեղի ունենում։ Սկզբում մարդիկ ինքնաբացարկ են ներկայացնում, հետո փոշմանում են ու վերցնում մանդատները, հիմա էլ ասում են, որ հրաժարվելու են մանդատներից։ Սրանով ամեն բան ավարտվե՞ց, թե մենք դեռ նոր զարգացումներ կտեսնենք։

Խոշոր առումով ակնհայտ է, որ արտառոց զարգացումներ չեն լինի, որովհետև առնվազն այդ զարգացումները պետք է խթանողներ լինեն, բայց բոլոր նրանք, որոնց վերաբերյալ կարող էինք ենթադրել, որ կարող են խթանել, սահմանափակ հնարավորությունների տեր մարդիկ են։ Բնականաբար, նրանք շուտափույթ կմարեն։

Հետաքրքիրն այն է, որ ինքնաբացարկից հրաժարված և մանդատ ստացած 8 պատգամավորները սկզբում ասացին, որ չեն իմացել՝ ինչի տակ են ստորագրում, կամ դա վերաբերում էր մինչև ընտրությունների օրը ընկած ժամանակի համար, իսկ հիմա հայտարարում են, որ Ծառուկյանն ինչպես ասի, այնպես էլ կվարվեն, մանդատները վայր կդնեն։ Ինչով եք բացատրում այս շրջադարձերը։

Այդ մարդկանց համար իրավիճակը շատ ոչ հարմար է։ Նման բարձրաձայնումները, թե՝ չէինք իմանում, իրականության հետ բացարձակ կապ չունի։ Իրենք շատ լավ գիտեին ամեն բան, ավելին, այս օրենսգրքի պայմաններում ակնհայտորեն պետք է լիներ պայմանավորվածություն, և այդ պայմանավորվածությունների պարագայում բոլոր նրանք, որոնք իրենց իսկ կողմից առաջադրված պայմաններից բավականաչափ հեռու գտնվեցին, իրենք պետք է շուտափույթ և աննկատ փախչեին և փրկվեին։ Եթե նրանք դա չարեցին, դա խոսում է իրենց բարոյական արժեքների մասին։

շարուակությունը՝ կայքում