Եվրամիության ապտակը Երևանին

1in.am / Եվրամիության Հայաստանի պատվիրակությունում դրամաշնորհների հետ կապված կոռուպցիոն բացահայտումը Հայաստանի պաշտոնական քարոզչությունը մատուցեց «սենսացիոն» կամ «սկանդալային» ժանրի կանոններով: Մի կողմից դրսևորվում էր ազգային սնափառություն կոչվածը, թե տեսեք` մեր իրավապահներն ինչքան պրոֆեսիոնալ ու օպերատիվ են աշխատում, որ նրանց ձեռքերը հասան ամենակարող Եվրամիության գրասենյակ: Բայց իշխանության մարտավարությունն ուներ մեկ այլ` ավելի կարևոր ենթատեքստ, որ մեր երկրին կոռուպցիայի մեջ մեղադրում է մի կառույց, որն ինքն է թաթախված կոռուպցիայի մեջ: Մի քիչ կոպիտ է հնչում, բայց ԵՄ Հայաստանի պատվիրակության շուրջ ձևավորվում էր անվստահություն արտահայտող հանրային կարծիք, թե՝ եղունգ ունեք, ձեր գլուխը քորեք:

Այս տրամադրություններն այնքան ակներև էին, որ չէին կարող վրիպել եվրոպացի դիվանագետների ուշադրությունից: Այսօր Հայաստանում ԵՄ պատվիրակության ղեկավարը սենսացիոն հայտարարություն է արել: Պյոտր Սվիտալսկին ասել է, որ դրամաշնորհային խարդախությունը բացահայտվել էր ԵՄ-ի Խարդախության դեմ պայքարի եվրոպական գրասենյակի (OLAF-ի) միջոցով: Ասել կուզի, որ մեր իրավապահների պրոֆեսիոնալիզմն ու ուշադրությունն այս հարցում որևէ դեր, նշանակություն չունեն, և եվրոպացիներն իրենք են զբաղվել իրենց տան «աղբահանությամբ»: Ավելին, Սվիտալսկին նրբորեն ակնարկել է, որ Հայաստանում կոռուպցիայի դեմ պայքարն արդյունավետություն չունի, որովհետև մենք չունենք OLAF-ի նման անկախ ու արդյունավետ մարմին: Եվրոպացի դիվանագետը հասկացնում է, որ կոռումպացված իշխանությունը չի կարող ինքն իր դեմ պայքարել:

շարունակությունը՝ կայքում