Ակումբային ԱԱ. «Ինտեր Մայամին» և «Պալմեյրասը» ոչ-ոքի խաղացին վերջին տուրում

Ամերիկյան «Ինտեր Մայամին» և բրազիլական «Պալմեյրասը» ոչ-ոքի խաղացին ՖԻՖԱ-ի ակումբային աշխարհի առաջնության խմբային փուլի վերջին տուրում։ Հանդիպումը կայացել է Մայամիում և ավարտվել 2:2 հաշվով։

Տանտերերը՝ «Ինտեր Մայամին», առաջինը բացել են հաշիվը Տադեո Ալենդեի և Լուիս Սուարեսի գոլերի շնորհիվ՝ առաջ անցնելով 2:0 հաշվով։ Սակայն 80-րդ րոպեից հետո բրազիլացիները վերականգնել են հավասարությունը․ գոլերի հեղինակներ են դարձել Պաուլինյո Ֆիլյոն և Մաուրիսիոն։

Վերջնական արդյունքը ձեռնտու էր երկու թիմերին։ «Պալմեյրասը» խմբում զբաղեցրել է առաջին հորիզոնականը, իսկ «Ինտեր Մայամին»՝ երկրորդը։ Երկու թիմերն էլ վաստակել են հինգական միավոր, սակայն բրազիլացիներն առաջատարի դիրք են գրավել ավելի լավ գոլային տարբերության շնորհիվ։

Նշենք, որ «Ինտեր Մայամիի» աստղային հարձակվող Լիոնել Մեսսին այդ օրը նշել է իր 38-ամյակը, սակայն խաղում գոլային գործողություն չի գրանցել։

Նույն խմբում տեղի ունեցած մյուս հանդիպման ժամանակ պորտուգալական «Պորտուն» և եգիպտական «Ալ-Ահլին» գոլառատ խաղ են ցուցադրել՝ ավարտելով հանդիպումը 4:4 հաշվով։ Այդ արդյունքով երկու թիմերն էլ հավաքել են երկուական միավոր և չեն կարողացել դոնս գալ փլեյ-օֆֆ։

Ակումբային ԱԱ 2025, Խումբ A, 3-րդ տուր

«Ինտեր Մայամի» (Մայամի) – «Պալմեյրաս» (Սան Պաուլու) – 2:2

Գոլեր՝ Ալենդե (16’), Սուարես (65’) – Պաուլինյո Ֆիլյո (80’), Մաուրիսիո (87’)

«Պորտու» (Պորտու) – «Ալ-Ահլի» (Կահիրե) – 4:4

Գոլեր՝ Մորա (23’), Գոմես (50’), Օմորոդիոն (53’), Պեպե (89’) – Աբու-Ալի (15’, 45’ 11մ.), Բեն-Ռոմդան (64’)