«Անսահման հպարտ եմ, որ եղել եմ Գուժ Ալեքսանդրովիչի խաղընկերը». գործընկերները՝ Գուժ Մանուկյանի մասին
Life
Ինչպես հայտնել էինք, կյանքից հեռացել է ՀՀ Ժողովրդական արտիստ, Հ. Ղափլանյանի անվան դրամատիկական թատրոնի դերասան Գուժ Մանուկյանը: Դերասանի գործընկերները ցավակցական գրառումներ են արել սոցցանցերի իրենց էջերում ու նրա հետ լուսանկարներ հրապարակել:
Դերասան Շանթ Հովհաննիսյանը ֆեյսբուքյան իր էջում գրել է.
«Երկրորդ կուրսում Հրաչուհի Ջինանյանի բեմական խոսքի դասերին միացավ Գուժ Մանուկյանը: Ծանոթությունը ու շփումը նրա հետ թողել են վառ և բարի հիշողություներ`տեսակի ու մարդկային արժեքներ կրողի: Լույս իջնի հոգուն»,-գրել է Շանթ Հովհաննիսյանը:
Պրոդյուսեր, սցենարիստ Դիանա Գրիգորյանն ինստագրամյան իր էջում Գուժ Մանուկյանի հետ լուսանկար է հրապարակել և կից գրառում արել.
«Գնալով աղքատանում ենք: Լույսերի մեջ մնաք, մեծ արտիստ»:
Դրամատիկական թատրոնի դերասանուհի Լուսին Վարդանյանը ևս գրառում է արել իր ֆեյսբուքյան էջում.
«Ցավակցում եմ բոլորիս, անսահման հպարտ եմ, որ եղել եմ խաղընկերը Գուժ Ալեքսանդրովիչի, բարի ու մեծ տաղանդի տեր Մեծի, Լույսերի մեջ մնաք, վարպետ»,- գրել է դերասանուհին:
Հ. Ղափլանյանի անվան դրամատիկական թատրոնի պաշոնական էջում հետևյալ հրապարակումն է արվել.
«Նա հեռացավ կյանքից, բայց նրա կերպարները կշարունակեն ապրել հավիտյան։
Նա ոչ միայն մեր թատրոնի պատն ու հիմքն էր, այլև դրա հոգին։
1959 թվականից մինչև կյանքի վերջին տարիները՝ նա բեմի վրա էր․ կերտեց ավելի քան 150 կերպարներ, որտեղ ամեն մեկը՝ թե՛ դրամատիկ, թե՛ կատակերգական, դառնում էր հիշվող, անկրկնելի, իր «մանուկյանական» կնիքով։
Նա էր այն սերնդի ներկայացուցիչը, ում շնորհիվ մեր թատրոնը բարձրացավ և գոյատևեց՝ արժանապատվորեն։
Գուժ Մանուկյանը մեր ուսուցիչն էր՝ թե՛ բեմում, թե՛ կյանքում։
Նրա անունն ամուր է գրված հայ թատրոնի պատմության էջերում, իսկ հիշատակը՝ մեր սրտերում»:
1
2
3
4
5
1
2
3
4
5
1
3
4
5
