«Նույն քաղաքական երեսպաշտությունը, պոպուլիզմը թեւակոխել է Երեւանի ավագանու ընտրությունների մեջ»
Քաղաքականություն
Iravunk.com-ը գրում է.
Ավան վարչական շրջանում գործող քաղաքապետ Տարոն Մարգարյանի գլխավորությամբ` Երեւանի ավագանու ՀՀԿ-ական թեկնածուների հետ հանդիպմանը ներկա էր նաեւ ԱԺ հինգերորդ գումարման ՀՀԿ խմբակցության պատգամավոր ՎԱԶԳԵՆ ԿԱՐԱԽԱՆՅԱՆԸ: Նախկին օրենսդիրն «Իրավունքի» հետ զրույցում նշեց, որ եկել է ե՛ւ որպես Ավանի բնակիչ, ե՛ւ որպես Մարգարյան ընտանիքի բարեկամ ու հարազատ: Իսկ Տ. Մարգարյանի շանսերն այս ընտրություններին գնահատում է փայլուն:
– Երբ ես նայում եմ Տ. Մարգարյանի մրցակիցների դեմքերին, ընդամենն ինձ մոտ քմծիծաղ է առաջանում, որովհետեւ չկա մեկը, որը կարողանա իր վրա վերցնել այդ հսկայածավալ աշխատանքների բեռը եւ Երեւան քաղաքի համար մտահոգվել: Այսօր նույն քաղաքական երեսպաշտությունը, պոպուլիզմը թեւակոխել է Երեւանի ավագանու ընտրությունների մեջ, ինչի համար ցավում եմ: Ցավում եմ դրա համար:
– Պարոն Կարախանյան, այսօր իրենց մանդատները կստանան նորընտիր պատգամավորները: Ձեր կարծիքով` ինչպիսի՞ն կլինի նոր խորհրդարանը:
– Դժվարանում եմ ասել, որովհետեւ գրեթե շատ մեծ փոփոխություն տեղի չի ունեցել: Համենայնդեպս, այսօրվա անհատականությունների մեջ կան մարդիկ, որոնք, իսկապես, երկրի կառավարման ղեկը կվերցնեն իրենց ձեռքը: Բայց կան նաեւ մարդիկ, որոնք դեռ չգիտեմ, թե ինչպես իրենց կդրսեւորեն վաղը պատգամավորական գործունեության ընթացքում:
Մանրամասները` սկզբնաղբյուր կայքում
1
2
3
4
5
3
4
5
1
2
3
