Քիմ Քարդաշյանը՝ դստեր հետ Մալիբուում ընթրիքի ժամանակ. 11-ամյա Նորթը զարմացրել է մազերի նոր գույնով
Life
Քիմ Քարդաշյանին նկատել են Մալիբուի հայտնի Nobu ռեստորանում ընթրելիս։ 44-ամյա հեռուստաաստղին ուղեկցում էր ավագ դուստրը՝ Նորթը, որը հանրության ուշադրությունը գրավել է իր նոր, վառ մազերի գույնով։
SKIMS ապրանքանիշի հիմնադիրը ներկայացել էր տպավորիչ հանդերձանքով՝ սև կիպ կիսաշրջազգեստ, խորը դեկոլտեով ժանյակավոր շապիկ և մեծ չափսի կաշվե բաճկոն։ Կերպարը լրացրել էին փակ քթով բարձրակրունկ կոշիկները և կոկիկ սանրվածքը։ Քիմը զարդեր չէր կրում՝ նախընտրելով ոճային մինիմալիզմը։ Նրա դիմահարդարումը նույնպես զուսպ էր. նրա կերպարը լրացրել էին բաց կարմրաներկը և նյուդ շրթներկը։
11-ամյա Նորթը ընտրել էր ավելի հանգիստ ոճ՝ մոխրագույն մարզաշապիկ և շորտեր, բայց հենց նրա մազերն էին, որ իսկական սենսացիա դարձան։ Աղջիկը ցուցադրել էր երկար, վառ կապույտ ալիքներ, որոնք ընկնում էին ուսերին։ Սա առաջին անգամը չէ, որ Քիմի դուստրը փորձարկումներ է անում իր արտաքինի հետ. նա նախկինում փորձել է շիկահեր մազեր, իսկ մայիսին ներկայացել էր կապույտ երանգով։
Նորթը վաղուց է հետաքրքրություն ցուցաբերում նորաձևության նկատմամբ, և անցյալ տարի Interview Magazine-ին ասել է, որ պլանավորում է թողարկել իր սեփական հագուստի գիծը։ «Ես ստեղծում եմ իմ սեփական հագուստի ապրանքանիշը»,-նշել է նա: Երբ Քիմը հարցրել է նրան, թե ինչպես կանվանի այն, աղջիկը վստահորեն պատասխանել է, որ գիծը կանվանի իր անունով։
1
2
3
4
5
1
2
4
5
1
2
3
4
