Թբիլիսիում կայացավ «Փրայմ Թայմ» մյուզիքլի հայաստանյան ներկայացման հյուրախաղը
Հասարակություն
2025 թվականի մայիսի 30-ին Թբիլիսիի Շոթա Ռուսթավելու անվան Ազգային թատրոնի բեմում տեղի ունեցավ Հակոբ Պարոնյանի անվան երաժշտական կոմեդիայի պետական թատրոնի հյուրախաղը։ Թատրոնը հանդիսատեսի դատին ներկայացրեց «Փրայմ Թայմ» միջազգային մյուզիքլը, որը մեծ ընդունելության արժանացավ թե՛ տեղացի, թե՛ օտարերկրյա հանդիսատեսի կողմից։
Ներկայացումը, անդրադառնալով փառքի, արժեհամակարգի խեղման և սոցիալական արդարության խնդիրներին, ներկայացրեց հուզիչ ու արդիական թեմաներ։
Պատմության առանցքում հերոսուհի Աննան է՝ մի երիտասարդ կին, ով հայտնվելով փառքի և փողի թելադրած մեխանիզմներում, փորձում է պահպանել ինքնությունը և պայքարում է սեփական ձայնը պահպանելու համար։ Մյուզիքլը շեշտադրում է, որ իրական հաջողությունն ու արժեքները պահանջում են պայքար ու պատասխանատվություն, իսկ յուրաքանչյուր քայլ կարող է շրջադարձային լինել։
Ներկայացման երաժշտական ձևավորումը, որը կատարվել է պրոֆեսիոնալ երաժիշտների կողմից, ուժեղացրել էր բեմադրական ազդեցությունը՝ ստեղծելով դրամատիկական տրամադրություն։ Դերակատարներն էին՝ Թերեզա Մաթևոսյան, Մարիամ Գրիգորյան, Արսեն Գևորգյան, Աննա Մովսեսյան, Ալբերտ Ղազարյան, Գևորգ Դավթյան, Հայկ Մաթևոսյան, Յանա Թևանյան, Հովսեփ Նշանյան, Տիգրան Նահապետյան և Անգելինա Անտարյան։
Ներկայացման բեմադրիչն է Հակոբ Պարոնյանի անվան երաժշտական կոմեդիայի պետական թատրոնի գլխավոր ռեժիսորը՝ Հակոբ Ղազանչյանը։
1
2
3
4
5
1
2
3
4
5
1
3
4
5
