«Հոգնել եմ». Նվեր Մնացականյանն անկեղծանում է

Տարեվերջին մեդիադաշտում տեղի ունեցած փոփոխությունների արդյունքում Հանրային հեռուստաընկերության «Հարցազրույց» հաղորդաշարի վարող, հեռուստամեկնաբան Նվեր Մնացականյանն ազատվեց աշխատանքից: Այն ժամանակ Նվեր Մնացականյանն «Առաջին լրատվական»-ի հետ զրույցում նշել էր,-

«Կենտրոն» հեռուստաընկերությունից առաջարկ ստացել է. ««Կենտրոնի» ուղղությամբ եմ մտածում: Մի քանի փոփոխություն է նախատեսվում՝ ըստ մեր առաջարկի, տեսնենք՝ որը կիրագործվի, սլաքի ուղղությունը դեպի «Կենտրոնն» է»,- ասել էր նա՝ դժվարանալով պատասխանել, թե երբ կսկսվեն հաղորդումները: Պետրոս Ղազարյանի՝ «Կենտրոն» հեռուստաընկերություն վերադառնալուց հետո Նվեր Մնացականյանի թեման փակվեց:

«Առաջին լրատվական»-ը զրուցել է Նվեր Մնացականյանի հետ, հետաքրքրվել՝ ինչու չվերադարձավ մեդիա դաշտ, և թե ինչով է այժմ զբաղվում:

-Պարոն Մնացականյան, չե՞ք վերադառնում եթեր։ Տարեվերջին նշում էինք, որ նոր նախագիծ կա։

-Դեռ ոչ, դեռ մի փոքր ձգձգվում է։ Որևէ հեռուստաալիքի հետ պայմանավորվածություն չկա։ Ինքնուրույն, առանձին նախագիծ է։

-Ձեր հեռանալուց հետո Հ1-ում որակական փոփոխություն նկատո՞ւմ եք։

-Չեմ հետևում, հիմա ես ավելի բարեբեր գործով եմ զբաղվում։ Աշխատում եմ, գրում եմ, հետևում եմ, շատ բաներ եմ անում։ Մենք շուտով շատ հաճելի անակնկալ կանենք բոլորին, նրանց, ովքեր հեռուստատեսության հետ անմիջական կապ ունեն։ Երեք մասից բաղկացած ֆիլմ կներկայացնենք, որը կոչվում է «Գիրք Հայրենիքը»։ Այս նախագծի վրա մենք աշխատել ենք 4 տարի և հիմա ավարտել ենք։ Հիմա այդ ֆիլմի թարգմանության վրա ենք աշխատում՝ անգլերեն, իտալերեն, ֆրանսերեն և ռուսերեն։ Մենք շուտով դրա շնորհանդեսը կանենք, ուզում ենք մի քիչ «աղմկոտ» անել, որ տեղ հասնի, որովհետև շատ ենք չարչարվել դրա վրա, և ստացել ենք այն, ինչին ձգտում էինք։

«Գիրք Հայրենիքը» երեք մասից է. Հակոբ Մեղապարտ, Ոսկան Երևանցի (առաջին աստվածաշունչն է տպագրել) և Մխիթար Սեբաստացի (որի 300-ամյակն է լրանում)։ Այս երեք առանցքային կերպարների վրա է ֆիլմը կառուցված։ Այսինքն 500 տարվա մեջ մենք ինչ ճանապարհ ենք անցել, որովհետև հայրենիք պահպանելը միայն մյուս բաները չեն։ Մի քիչ էլ մենք չարաշահում ենք, աշխարհին միայն եղեռնի թեմայով չէ, որ պետք է ներկայանաս։ Աշխարհը պետք է իմանա, թե մինչև Եղեռն ով ես եղել։

շարունակությունը՝ կայքում