Թրամփը փորձում է կոտրել մեզ, որպեսզի Ամերիկան մեր տերը դառնա. Կանադայի վարչապետ
Քաղաքականություն
Կանադայի վարչապետ Մարկ Քառնին նախազգուշացրել է, որ ԱՄՆ նախագահ Դոնալդ Թրամփը «փորձում է կոտրել կանադացիներին, որպեսզի ԱՄՆ-ն կարողանա դառնալ Կանադայի տերը». Քառնին այս մասին ասել է իր հաղթական ելույթում այն բանից հետո, երբ լիբերալները հաղթել են դաշնային ընտրություններում, գրում է dailymail.co.uk-ը:
Քառնին ընդգծել է, որ պետք է պատրաստվել «վատթարին», ոչ թե հուսալ, որ լավ կլինի։
«Ինչպես ես ամիսներ շարունակ զգուշացրել եմ, Ամերիկան ուզում է մեր հողը, մեր ջուրը, մեր պաշարները, մեր երկիրը: Նախագահ Թրամփը փորձում է կոտրել մեզ, որպեսզի Ամերիկան կարողանա մեր տերը դառնալ: Դա երբեք, երբեք չի լինի։ Բայց մենք նաև պետք է գիտակցենք այն իրողությունը, որ մեր աշխարհը հիմնովին փոխվել է», - ասել է վարչապետը՝ ընդգծելով, որ դրանք «պարապ սպառնալիքներ» չեն:
Քառնին խոստացել է, այնուամենայնիվ, հանդիպել Թրամփի հետ՝ չնայած ճգնաժամին և փորձել հաղթել ԱՄՆ-ի հետ առևտրային պատերազմը։
«Երբ ես նստեմ նախագահ Թրամփի հետ, դա կլինի երկու ինքնիշխան պետությունների միջև ապագա տնտեսական և ռազմավարական հարաբերությունների քննարկում», - ընդգծել է նա:
Նշենք, որ Թրամփը վերընտրվելուց հետո բազմիցս հայտարարել է, որ հարևան Կանադան պետք է դառնա ԱՄՆ-ի 51-րդ նահանգ:
1
2
3
4
5
1
2
3
4
5
1
3
4
5
