Սաուդյան Արաբիան եւ Կատարը կվճարեն Սիրիայի պարտքից 15 մլն դոլար
Տնտեսություն
Սաուդյան Արաբիան եւ Կատարը խոստացել են փակել Սիրիայի պարտքը Համաշխարհային բանկին։ Դա կվերացնի միջազգային վարկատուից ֆինանսական օգնություն ստանալու խոչընդոտներից մեկը, հաղորդել է Bloomberg-ը։
Պարսից ծոցի երկրները հայտարարել են մնացած պարտքի շուրջ 15 մլն դոլարը մարելու պատրաստակամության մասին։ Դա տեղի է ունեցել Սիրիայի հետպատերազմյան վերականգնման շուրջ բարձրամակարդակ բանակցություններից հետո, որոնք տեղի են ունեցել անցյալ շաբաթ Համաշխարհային բանկի եւ ԱՄՀ նիստերի շրջանակում: Պետությունները ձգտում են աջակցել տնտեսական վերականգնմանը Սիրիայի նոր նախագահ Ահմեդ Աշ-Շարաայի ղեկավարությամբ:
Միեւնույն ժամանակ, նախկին նախագահ Բաշար Ասադի վարչակազմի դեմ կիրառված ԱՄՆ պատժամիջոցները շարունակում են լուրջ խոչընդոտ հանդիսանալ Սիրիային՝ այն օգնությունը ստանալու համար, որն անհրաժեշտ է երկար տարիների քաղաքացիական պատերազմից հետո վերականգնվելու նպատակով: Հակամարտությունը, որի հետեւանքով զոհվել է ավելի քան 600 հազար մարդ, իսկ միլիոնավոր մարդիկ ստիպված են եղել լքել իրենց տները, գրեթե կրկնակի կրճատել է երկրի ՀՆԱ-ն՝ 2010թ. համեմատ: Ըստ լրատվամիջոցի՝ Սիրիայի վերականգնման ծախսերը գնահատվում են 400 մլրդ դոլար:
1
2
3
4
5
1
2
4
5
1
2
3
5
